Lëshimi i apartamenteve me qera ditore përmes Airbnb, duket se po del nga “funksioni” tradicional në Belgjikë.
Bandat, po marrin gjithnjë e më shumë banesa me qera ditore, por jo për të fjetur, por për të vazhduar aktivitetin e tyre e për të fshehur armë dhe drogë.
Ky paralajmërim i fortë u dha nga shefi i antidrogës në Belgjikë.
Në fillim të gushtit, policia sekuestroi 3.3 kilogramë kokainë dhe 4,845 euro në para nga një apartament Airbnb në qendër të Brukselit, i cili besohej se ishte përdorur për të ruajtur dhe paketuar drogë, raportoi agjencia e lajmeve Belga. Në vitin 2024, kur 11 persona u dënuan për rolin e tyre në një operacion masiv të trafikut të drogës midis Belgjikës dhe Mbretërisë së Bashkuar, u zbulua se drogë me vlerë 21 milionë euro u sekuestrua nga një apartament Airbnb në Staden, Flanders Perëndimore.
Një zëdhënës i Airbnb në Belgjikë nuk pranoi të komentonte, por ia referoi gazetës Guardian deklaratave të fundit të Clément Eulry, drejtorit të Airbnb për Francën dhe vendet e Beneluksit. Ai i tha De Staandard se rezervime të tilla kriminale përfaqësonin një pakicë midis miliona njerëzve që kompania përpunon çdo vit.
Kompania shtoi se kishte ndërmarrë disa masa, duke përfshirë përdorimin e inteligjencës artificiale për të identifikuar rezervimet e dyshimta. Ajo tha se raportet e qiramarrësve problematikë gjithmonë ndaheshin me policinë dhe autoritetet lokale.
Ekspertët thonë se qiratë afatshkurtra janë vetëm një aspekt i ekonomisë moderne që ia lehtëson jetën krimit të organizuar, së bashku me krijimin e llogarive anonime të email-it, komunikimet e koduara, kriptovalutat dhe shpërndarjen kudo të paketave. “Fakti që tregtia elektronike është një biznes në lulëzim e lehtëson shumë krimin e organizuar.”
Ai tha se kompanitë e shpërndarjes janë gjithashtu në “rrezik shumë të lartë” për t’u shfrytëzuar nga krimi i organizuar sepse “nuk është më një situatë e dyshimtë kur sheh një furgon të bardhë që afrohet në shtëpinë e fqinjit tënd dhe… ata u dorëzojnë atyre një kuti të vogël”.
Vitin e kaluar, një gjykatës anonim – i cili u detyrua të jetonte në një shtëpi të sigurt për katër muaj – paralajmëroi se Belgjika ishte në rrezik të bëhej një narko-shtet, duke kritikuar ashpër reagimin e qeverisë. Krimi i organizuar ka hierarki piramidale nga lart poshtë, të lidhura në rrjete më të lirshme anonime ku kriminelët “nuk e dinë më se cilit rrjet i përkasin”, shtoi ai. Aktivitetet e paligjshme u jepen bandave të ndryshme, të cilat specializohen në pastrim parash, prokurim ose përdorim armësh, thonë ata. Në Bruksel, policia regjistroi 101 të shtëna me armë në vitin 2025, një numër rekord i raportuar nga media lokale, shpesh për shkak të luftërave të bandave për dominim.
