Tottenham u rikthye te sukseset në kampionatin anglez duke mundur Notingham Forest në hapjen e javës së 17.
Suksesi 2 me 0, i rëndësishëm për spursat të cilët ngjitën në kuotën 33 pikëve duke ndarë vendin e katërt bashkë me Manchester Cityn, të paktën përkohësisht.
Një pjesë e parë e mirë për miqtë të cilët patën 2-3 raste për shënim të neutralizuara nga portieri Tërner.
E megjithatë goli i avantazhit do të realizohej nga londinezët me anë të brazilianit Richarlison me kokë në minutën 2 shtesë, pas një pasim të dhënë nga e djathta.
Të zotët shtëpisë arrijnë të shënojnë në minutën 58 me Elanga, po goli anulohet për një pozicion jashtë loje milimetrik. 7 minuta më vonë goli që vulos përfundimisht suksesin e Tottenham, lind pikërisht nga një gabim i portierit vendas.
Kulusevski përfiton dhe në pozicion të prerët me një gjuajtje shumë të fortë realizon. Dalja me të kuqe e Bisomës për spursat nuk ndryshon ndeshjen ndonëse për të mbajtur shifrat 2 me 0 mendoi portierë i miqve, italiani Vikario me dy superpritje./vizionplus.tv
