Mbrëmja e sotme rezervon një nga takimet më elitare në Champions League, aty ku Bayern Munich dhe Real Madrid do përplasen duke filluar nga ora 21:00 në “Allianz Arena”.
Një ndeshje jo rrallë herë e shikuar në kompeticionin më të madh europian për klube. 2 skuadrat vijnë nga sezone komplet të ndryshme.
Real Madrid eliminoi Manchester City-n në raundin çerekfinal për të ardhur deri këtu, dhe për momentin mund të themi që e kanë siguruar edhe titullin kampion në La Liga për këtë vit.
Bayern po kalon një makth të vertetë. Kishte vite që klubi gjerman nuk ka qenë në një formë kaq të dobët, ku janë eliminuar nga Kupa dhe kampionatin ja ka “rrëmbyer” për të parën herë pas 11 vitesh, “aspirinat” e Bajer Leverkusen.
Për këtë takim, Bavarezët kanë disa dëmtime si De Ligt, Coman që nuk do të jenë të gatshëm për shkak të problemeve në gju.
Carlo Ancelotti ka të pezulluar Dani Carvajal me karton dhe vendin e tij në krahun e djathtë të mbrojtjes me merr Lucas Vazquez.
Nacho do të jetë titullar krah Rudiger në mungesë të Alaba të dëmtuar dhe Militao jo në 100% të tij.
Formacionet zyrtare:
Bayern Munchen (4-2-3-1) – Neuer; Kimmich, Dier, Kim, Mazraoui; Laimer, Goretzka; Leroy Sané, Musiala, Guerreiro; Harry Kane.
Real Madrid (4-3-1-2) – Lunin; Vazquez, Rudiger, Nacho, Mendy; Valverde, Kroos, Tchouameni; Bellingham; Rodrygo, Vinicius Jr.
