Identifikohet dhe procedohet penalisht autori që sulmoi zyrën e fushatës së Partisë Socialiste ditën e djeshme në Berat, duke e qëlluar me gurë.
Autori i kësaj ngjarje është një 17-vjeçar, mëson Vizion Plus, i identifikuar me iniciale Z.M. dhe është djali i kryetares së Gruas Demokratike në Berat, Këze Muska.
Ai u zbulua pas sekuestrimit të kamerave të sigurisë së bizneseve përreth zyrës elektorale.
Sakaq, PS e ka cilësuar ngjarjes si “incident elektoral” dhe ngjarje të qëllimshme gjatë fushatës.