Të paktën 63 persona kanë humbur jetën dhe 182 të tjerë janë lënduar si pasojë e një sulmi vetëvrasës me bombë në një dasmë në kryeqytetin e Afganistanit. Në mesin e viktimave ka shumë fëmijë dhe gra.
Shpërthim ka ndodhur në një sallë dasmash në perëndim të Kabulit, ku mendohet se kanë qenë të pranishëm rreth 1.200 dasmorë. Sipas dëshmitarëve një person kishte hedhur vetën në erë.
Asnjë grup nuk e mori përsipër sulmin i cili ndodhi në perëndim Kabulit. Talibanët mohuan përgjegjësinë për sulmin, i cili është njëri ndër më vdekjeprurësit në Kabul gjatë këtij viti dhe vjen në kohën kur Uashingtoni dhe talibanët raportohet se janë afër arritjes së një marrëveshjeje për t’i dhënë fund luftës 18-vjeçare.
Ky shpërthimi vjen vetëm dhjetë ditë pasi një bombë që shpërtheu jashtë një stacioni policie në Kabul vrau të paktën 14 njerëz dhe plagosi afro 150 të tjerë.
Ministria e Brendshme afgane, ka thënë se pavarësisht tërheqjes së trupave amerikane, gjendja në Afganistan vazhdon të mbetet kritike.
