6 muaj pas nënshkrimit të marrëveshjes së 5 qershorit mes opozitës dhe Partisë Socialiste; sot Komisioni i Ligjeve ka miratuar paketën e dakordësuar asokohe mes palëve.
Janë 4 ligje që ndryshojnë si rezultat i asaj marrëveshje dhe amendimi më i rëndësishëm është hetimi i krimeve zgjedhore nga Spaku, Prokuroria e Posaçme kundër Krimit të Organizuar dhe Korrupsionit.
Këto ndryshime do të votohen të enjten, e cila është edhe seanca e fundit e parlamentit për këtë vit.
Nga marrëveshja e 5 qershorit ka mbetur ende një pikë pa u zbatuar; hartimi i një kodi të ri zgjedhor që do të vulosë depolitizimin e të gjitha komisioneve zgjedhore.
Të gjithë palët ranë dakord që komisionet do të depolitizoheshin në zgjedhjet parlamentare të 2025, por kodi i ri nuk u shkrua për shkak të përplasjes së fortë që shkaktuan ndryshimet kushtetuese për listat e kandidatëve dhe koalicioneve.