Sulmuesi Xhejms Adeni zyrtarizohet si lojtar i Gabalas në Azerbajxhan. Pak ditë më parë këtë marrëveshje e ka firmosur dhe mesfushori i Skëndërbeut Sabien Lilaj.
Lajmi është zyrtarizuar edhe nga faqja e klubit azer, që ka publikuar edhe foton e sulmuesit nigerian me fanellën e ekipit të ri. Xhejms ka firmosur një kontratë 3-vjeçare, por nuk ka detaje të tjera për momentin në lidhje me shifrën që azerët kanë paguar te Skënderbeu, apo sa do të përfitojë vetë lojtari.
Për klubin korçar është një humbje në aspektin sportiv, sepse privohet nga një prej lojtarëve më të mirë, ndërkohë që fiton në aspektin financiar. Një titullar më pak për trajnerin Orges Shehi për sezonin e ri.
