Dy qytetarë kanë humbur jetën gjatë 24 orëve të fundit në vend, ndërsa janë identifukuar 167 raste të reja pozzitive me koronavirus, nga 932 testime të kryera. E kanë humbur betejën me COVID19 një 74-vjeçare nga Korça dhe një 78-vjeçare nga Tirana.
Ministria e Shëndetësisë raporton se këtë të premte u shëruan edhe 89 qytetarë të tjerë, duke e çuar në 9304 numrin e të rikuperuarve që prej fillimit të epidemisë.
“Rastet pozitive të konfirmuara në 24 orët e fundit janë identifikuar në këto bashki: 90 të prekur në Tiranë e cila vijon të jetë vatra më e nxehtë në vend, 16 raste në Durrës, 11 raste në Korçë, 9 raste në Berat, 7 raste në Fier, 6 raste në Lushnje, 3 raste në Librazhd, Pogradec, Kuçovë, 2 raste në Krujë, Elbasan, Lezhë, Sarandë, Tepelenë, Skrapar, 1 rast në Kukës, Vlorë, Kamëz, Gjirokastër, Memaliaj, Shijak, Vorë.”
Aktualisht në spitalin Infektiv dhe “Shefqet Ndroqi” po trajtohen 239 pacientë, 17 në terapi intensive nga të cilët 6 pacientë janë të intubuar.
Që prej fillimt të perhapjes së koronavirusit në vend, regjistrohen në total 413 humbje jete, ndërsa raste aktive janë 5349.
Shpërndarja gjeografike e rasteve aktive sipas qarqeve:
Tiranë 2779
Durrës 564
Shkodër 398
Korçë 274
Lezhë 266
Elbasan 224
Fier 231
Vlorë 191
Kukës 147
Berat 138
Dibër 78
Gjirokastër 59