Komisioni i Posaçëm I Reformës Zgjedhore do të zhvillojë ditën e martë mbledhjen e parë pas djegies së mandateve nga opozita.
Mbledhja do të drejtohet nga dy bashkëkryetarët e rinj të komisionit Damian Gjiknuri dhe Rudina Hajdari.
Por nga ana tjetër në kuadër të kësaj mbledhjeje, sekretari i Kuvendit Genci Gjonçaj u ka dërguar një letër demokratëve ku u kërkon që të dërgojnë emrin e vëzhguesit që do të marrë pjesë në mbledhjen e Komisionit.
Vëzhgues që, sipas ndryshgimeve të miratuara në séance, do të gëzojë të njëjtat drejta ashtu si dy bashkëkryetarët dhe pse PD nuk është pjesë e Parlamentit pas djegies së mandateve.
Komisioni i Reformës zgjedhore do të mblidhet ditën e martë në 17:00 në Kryesinë e Kuvendit ku pritet të miratojë axhendën e punës dhe ekspertët.