Kryeministri Edi Rama, të martën ka propozuar një paketë antishpifje, par rastin e të dhunuarës Xhisiela Maloku, ndërkohë që ka dhënë dhe detaje për këtë nismë që pritet të propozojë.
Kreu i qeverisë shkruan në Twitter se shpifësat e çdo lloji do ta paguajnë sa frëngu pulën dhe shpifjet e tyre.
“Paketa AntiShpifje në Kod Penal?Jo jo, as edhe një supë burgu nuk mund të paguajnë shqiptarët për shpifësat. Shpifësat e çdo lloji po, ata duhet t’i paguajnë sa frëngu pulën shpifjet e tyre dhe çdo pellg mediatik duhet t’u dalë për zot shpifësve që hedhin gurin e fshehin dorë.”
