Procesi i vaksinimit të mësuesve është shtrirë edhe në qytetin e Shkodrës me injektimin e dozës së parë të Astrazenekas.
Sipas ministrisë së Shëndetësisë, raporton Vizion Plus, deri më tani janë vaksinuar në total afro 4300 arsimtarë.
I pranishëm ishte dhe kryeministri Edi Rama, i cili ju drejtua mësuesve të vaksinuar me këshillën për të treguar kujdes.
EDI RAMA
KRYEMINISTER I SHQIPERISE
“Duhet me u rujt këtë periudhë, sa të dalin antitrupat se nuk është se bëre vaksinën dhe je i mbrojtur, se je i infektushëm brenda dy javëve sa të dalin antitrupat pastaj je okay.
SILVA BINO
INSTITUTI I SHENDETIT PUBLIK
“Pas 4 deri në 12 javë merret doza e dytë me Astrazeneka. Unë jua shpjegova që mund të ketë temperaturë, edhe unë vetë kam pasur pas Pfizerit, është reagim i organizmit normal, jo për të gjithë sigurisht, por me një paracetamol ose medikament për temperaturën.”
Sipas Edi Ramës, me ardhjen e dozave të tjera të vaksinave anticovid, procesi do të shtrihet në popullatë, me personat mbi 60 vjeç, por nuk dha afate.
Edi Rama
“Ne po vazhdojmë që të shkëpusim zinxhirin e infektimit, dhe të lehtësojmë edhe sezonin turistik sigurisht. Do kemi lajme të mira, së shpejti do kemi në disponim në sasi të konsiderueshme të vaksinave, për ta shtrirë në mbi 60, dhe pastaj me ato nën 60 vjeç.”
Ndërsa takimet elektorale janë shtuar, Edi Rama nuk la pa ironizuar tubimet e partisë Demokratike për masivitetin e pjesëmarrësve.
EDI RAMA
KRYEMINISTER
Janë partitë e KÇK që krijojnë vatra infektimi në qendër të qytetit. Kjo është sfidë me shëndetin ,nuk mund të sakrifikohet shëndeti i askujt, se këto historitë e dy gishtave, me flajmuje e me ulërima janë histori të viteve 90 që përsëriten sa herë afrohen zgjedhjet.
Sipas autoriteteve shëndetësore, deri më tani janë dhënë në total mbi 33 mijë doza ku mbi 23 mijë vaksina janë aplikuar në personel shëndetësor, dhe mbi 5 mijë te të moshuarit.
