Katër persona janë arrestuar pas protestës së djeshme në Thirrë të Mirditës, të cilët kundërshtojnë ndërtimin e një HEC-i në këtë zonë.
Në pranga përfunduan Besnik Paci, 48 vjeç, banues në Lezhë, organizatori i protestës, E. B., 22 vjeç, E. B., 21 vjeç dhe Ç. G.,22 vjeç, banues në Kosovë.
Gjithashtu, janë proceduar penalisht në gjendje të lirë 30 shtetas të tjerë.
Sipas policisë, këta persona kanë protestuar në mënyrë të paligjshme në afërsi të tunelit të Kalimashit, duke bllokuar lëvizjen e mjeteve në aksin Milot-Morinë, si dhe kanë kundërshtuar me dhunë punonjësit e Policisë, duke mos iu bindur urdhrit të tyre për të zhbllokuar qarkullimin e automjeteve.
