Policia dhunon qytetarin, agravon situata para Ministrisë së Arsimit, nisin arrestimet
Ka agravuar situata në protestën e studentëve para Ministrisë së Arsimit.
Policia ka hedhur gaz lotsjellës në drejtim të studentëve, ndërsa disa prej tyre kanë kaluar rrethimin dhe janë futur brenda perimetrit të institucionit.
Situata është tensionuar, me studentët dhe protestuesit që kanë vijuar thirrjet e fuqishme në shenjë kundërshtimi. Ndërkohë, policia u ka bërë thirrje protestuesve të largohen dhe të lirojnë rrugën dhe më pas ka nisur sulmin me gaz lotsjellës dhe ujë me piper.
Nga videot e siguruara nga gazetarja e Vizion Plus Sesila Frangu, e cila ndodhet në terren, shihet edhe një përplasje mes një polici dhe një qytetari, ku ky i fundit qëllohet nga efektivi.
Po ashtu, mësohet se policia ka nisur edhe shoqërimet e para të protestuesve në komisariat.
