Dy personat që mbetën të vdekur si pasojë e aksidentit tragjik në Memaliaj ishin mësues. Viktimat po ktheheshin nga shkolla e Krahësit këtë të premte në mesditë, pasi kishin dhënë mësim në shkollë.
Automjeti me të cilin udhëtonin ka dalë nga rruga dhe ka përfunduar në kanalin kullues. Identiteti i viktimave nuk bëhet ende i ditur.
Policia kreu ekspertizën paraprake në vendngjarje për të detajuar dinamikën e aksidentit të rëndë që i mori jetën dy mësuesve.
