Përgjaken sërish rrugët në vend. Dy aksidente janë regjistruar mbrëmjen e shtunë në Tiranë dhe në Fier.
Në Tiranë katër persona mes tyre dy fëmijë mbetën të plagosur pas një aksidenti. Ngjarja ndodhi rreth orës 19:50 në afërsi të rrethrrotullimit në rrugën e “Elbasanit” ku mjeti me drejtues F. F. ka dalë nga rruga dhe është përplasur me një shtyllë.
Për pasojë janë plagosur drejtuesi i automjetit F. F me gruan dhe fëmijët D. F. R. F. dhe A. F. E gjithë familja u dërgua në spital për ndihmë mjekësore.
Ndërsa në Fier dy gra mbetën të plagosura pasi makina me të cilën udhëtonin doli nga rruga dhe përfundoi në kanal. Aksidenti u shënua rreth orës 19:30 në vendin e quajtur Varibob.
Në makinën me targa italiane po udhëtonte një familje nga Vlora, një grua me nënën dhe dy fëmijët. Fatmirësisht fëmijët e mitur 2 dhe 6 vjeç nuk pësuan lëndime, ndërsa 30 vjeçarja dhe nëna e saj janë në spitalin e Fierit nën kujdesin e mjekëve.
