Partia Demokratike ka deklaruar se rruga e Shqipërisë për hapjen e negociatave kalon nga 9 kushtet e Gjermanisë.
Në një postim në Facebook, PD teksa ka risjellë edhe njëherë 9 kushtet e Bundestagut permes nje videoje, akuzon kryeministrin se është bërë pengesë për plotësimin e tyre.
Sipas PD, kryeministrit Rama i mungon dëshira dhe vullneti për progresin e Shqipërisë.
“Edi Rama është pengesë për plotësimin e këtyre kushteve! Atij i mungon dëshira dhe vullneti për progresin e Shqipërisë, prandaj u refuzua sërish nga BE. Shqipëria nuk mund të jetë më peng i dështimit dhe mashtrimeve të një njeriu. Për një Shqipëri si gjithë Europa!”
