PD nuk do të marrë pjesë në komisionet parlamentare deri më 22 dhjetor, deputetët në terren për organizimin e protestës

Deputetët e Partisë Demokratike nuk do të shkojnë në asnjë komision parlamentar deri në datën 22 dhjetor. Ky ka qenë vendimi i PD i marrë ditën e sotme.

Gazetarja e Vizion Plus, Olta Blaceri, mëson se grupi parlamentar i PD ka vendosur të bojkotojë të gjitha komisionet.

Në grup është marrë vendimi që çdo deputet gjatë kësaj kohe duhet të punojë fort për organizimin e protestës së 22 dhjetorit që do të mbahet në Tiranë para kryeministrisë në orën 18:00.