PD, një hap larg votimit të enjten

Demokratet janë mbledhur pasditen e kesaj te marte per te diskutuar ecurinë e negociatave per reformën ne drejtësi, por edhe qëndrimin qe opozita do te mbaje tashme qe nga séance ku do te votohet reforma na ndajne me pak se 48 ore. Dhe Lulzim Basha, ne fund te mbledhjes, ka dale para gazetareve optimist se marrëveshja eshte afër. Por ne mbledhjen me dyer te mbyllura me shume se ecurinë e negociatave, deputetet kane diskutuar rreth qëndrimit qe PD do te mbaje te enjten. Eduard Selami, i cili pak minuta para se te hynte ne mbledhje deklaroi ne media se do te votoje pro reformës ne drejtësi, pavarësisht vendimit te partisë; i kerkoi sqarime kryetarit Basha pse e ka futur PD ne perplasje me ndërkombëtaret, duke i kujtuar se ne fillim ishte vete Basha qe deklaroi se kishte vetëm nje kusht rekomandimin 88 e tashme ka nxjerre nje kusht te ri .
Astrit patozi ka vene ne dukje se PD, nuk mund te mbaje mbi kurriz njollën si force antiperendimore dhe reforma duhet te kaloje edhe pa garancitë qe thote Basha. Per Rulin, PD duhet te kete qëndrimin e saj, pasi Meta nje dite thotë qeveri teknike e nje dite e tërheq. Ndërkohe Igli Cara ka vene ne dukje se ne rast mosvotimi shqiptaret dhe ndërkombëtaret do te drejtojnë gishtin mbi ata qe se deshën reformën dhe Rama po bllokon nje element thjesht teknik ne mënyre qe te beje qe opozita te mos e votoje draftin. Edhe Majlinda Bregu ka vene ne dukje qe te enjten reforma duhet votuar pasi i vetmi koalicion qe PD ka është ai me 91% te qytetareve. Vete Basha ka sqaruar deputetet se PD qëndron per nje reforme me konsensus dhe deri tani ka mbrojtur vetëm parimet. Kjo mbledhje grupi nuk mori vendim per votën e se enjtes por duket se opozita po shkon drejt votimit ne bllok te reformës ne drejtësi ne 21 korrik.