Një tjetër pacient me koronavirus ka tentuar t’i japë fund jetës.
Një 69-vjeçar, Reshat Grëmi, është hedhur këtë të martë nga kati i dyte i spitalit Infektiv.
Policia njoftoi se ai ka shpëtuar dhe ndodhet nën kujdesin e mjekëve.
I moshuari trajtohej aty prej disa ditësh, por nuk dihet se cilat janë arsyet që e kanë çuar drejt këtij akti të rëndë.
Ky është rasti i parë që ndodh në Infektiv. Më herët janë vetëvrarë tre pacientë, që ishin të shtruar tek spitali “Shefqet Ndroqi”.
