Ministri i Mbrojtjes ka ngushëlluar familjarët e 27-vjeçarit që humbi jetën dje në plazhin e Tales.
Teksa shprehet i hidhëruar nga lajmi, Peleshi shkruan se nëntogeri Pavlin Rrasa pësoi arrest kardiak ndërkohë që po pushonte me familjen.
“I hidhëruar nga lajmi për largimin nga jeta e N/Toger Pavlin Rrasa. Pavlini 27 vjeçar pësoi një arrest kardiak ndërkohë që po pushonte me familjen. I shpreh ngushëllimet e mia më të sinqerta familjes së N/Togerit dhe kolegëve të tij të Repartit Ushtarak 1010”, shkruan Peleshi.
