Edhe per Maqedonine e Veriut vendosen kushte per hapjen e negociatave.Por ato nuk vijnë nga vende skeptike si Franca dhe Holanda, por nga Bullgaria.

 

Megjithëse, Sofia mbështet dhenien e drites jeshile, liderët bullgarë pas një takimi ku është diskuar për qëndrimin që do të mbahet në samitin e Këshillit Evropian në tetor kanë shprehur rezervat e tyre për Shkupin.

 

 

BOJKO BORISOV

 

KRYEMINISTER I BULLGARISE

 

E ardhmja e Maqedonisë së Veriut është në BE dhe ajo nuk duhet të luaj me këtë mundësi. Ne nuk kemi popull më të afërt. Është me rëndësi që të pranohen në BE, por me rëndësi është që ta kuptojnë se kjo varet nga vet ata. Ndaj apeloj që t’i japin fund lojërave me historinë, të kaluarën dhe të përqendrohen nga te ardhmja.

 

 

Ndërsa Presidenti bullgar Rumen Radev, ka theksuar se Sofja nuk dëshiron që të jetë pengesë për datën e bisedimeve për Maqedoninë e Veriut, por Shkupi duhet te reflektoje.

 

Mosmarrëveshjet lidhen origjinen e disa figurave historike, në veçanti të Goce Dellçevit. Te dyja shtetet e konsiderojne si hero te tyren.

Leave a Reply

Your email address will not be published. Required fields are marked *