5 persona, mes të cilëve 2 punonjës policie, janë arrestuar nga SHÇBA në Velipojë pasi dyshohet se kanë lejuar ndërtimet pa leje.
Shtetasit e arrestuar janë:
P.Z., me detyrë Specialist në Hetimin e Krimeve, në Stacionin e Policisë Velipojë;
R.B., me detyrë SPZ, në Stacionin e Policisë Velipojë;
R.K., me detyrë Inspektor i Policisë Ndërtimore në Bashkinë Shkodër.
N.K., 45 vjeç, nga Mali Jushit, Shkodër;
B.N., 37 vjeç, nga Velipoja.
Arrestimi I këtyre shtetasve u bë pas një hetimi disamujor me metoda pro-aktive pasi dyhsohet se shtetasit e mësipërm favorizonin ndërtimet pa leje kundrejt shpërblimit financiar.
Punonjësit e Policisë dhe ai i IMT-së, dyshohet se kanë lejuar që në zonën e Velipojës (e klasifikuar si “Zonë e mbrojtur”) të kryhen ndërtime pa leje në masë.
Nga veprimet hetimore të kryera, sipas SHÇBA, është dokumentuar me prova ligjore veprimtaria e kundraligjshme për funksionarët publik dhe dy shtetasit.
