Mbi 200 respiratorë janë në dispozicion të mjekëve për të trajtuar pacientët me koronavirus. Sipas zëvendësministres së Shëndetësisë, Mira Rakacolli janë porositur edhe respiratorë të tjerë.
“Po kryhen të gjitha standardet për ta kryer këtë testim. Është në rrugën e certifikimit dhe në momentin që do të fillojë analizat do të jetë një laborator sipas standardeve. Mbi 200 respiratorë kemi, duke shfrytëzuar edhe ato në strukturat private. Është porositur një sasi tjetër respiratorësh. Është shumë e vështirë të bësh të tilla parashikime, është një gjë e re, që po zhvillohet në mënyra të ndryshe. Po bëjmë skenare për cdo moment edhe për rastin më të keq. Deri tani e kemi nën kontroll.”
