Kryeministri i Greqisë, Kyriakos Mitsotakis u shpreh optimist se nga prilli, gjërat për grekët do të ndryshojnë për mirë.
Duke ju referuar pandemisë dhe krizës, Mitsotakis deklaroi për mediat greke se pret që në tremujorin e dytë të nisë rimëkëmbja.
Optimizëm ai ka veçanërisht për turizmin e verës së këtij viti.
“Jam optimist për një verë me turizëm të mirë. Besoj se nga prilli, situata me pandeminë në vendin tonë do të jetë më e mirë”, tha kreu i qeverisë greke.
Ai u ndal edhe tek propozimi i tij për pasaportën e vaksinimit, duke deklaruar se shumë shtete anëtare të BE kanë shprehur interes për të shqyrtuar këtë ide, veçanërisht për pushimet verore.