Ministria e Shëndetësisë raportoi këtë të premte për 9 viktima dhe 553 raste të reja me koronavirus.
Të infektuarit u zbuluan pas testimit të 2.184 personave. Ndërsa viktimat janë të moshave 52-81 vjeç. Në 24 orët e fundit janë shëruar 514 qytetarë.
Aktualisht në 4 spitalet COVID, po trajtohen 309 pacientë, 22 në terapi intensive nga të cilët 9 pacientë janë të intubuar.
Në total, janë konfirmuar 55.380 të infektuar në Shqipëri, 1.134 të vdekur dhe 30.790 të shëruar.
