Pas nismës së qeverisë për të rimbursuar ilaçet për të infektuarit, presidenti Ilir Meta kërkon trajtim financiar për mjekët e infermierët.
Sipas kreut të shtetit, ata ndodhen në një rrezik të vazhdueshëm infektimi për shkak të detyrës që kanë.
Meta tha në “Facebook” se jetët e humbura në radhët e bluazve të bardha tregojnë se nuk ka më kohë për të humbur.
“Mjekët, infermierët dhe personeli mbështetës i spitaleve COVID, i qendrave rajonale, si dhe mjekët e familjes, për shkak të ekspozimit ndaj rrezikut infektiv duhet të mbështeten me trajtim financiar suplementar nga shteti. Shtimi i rasteve së humbjes së jetëve nga radhët e bluzave të bardha, e bën këtë masë të domosdoshme. Koha për të vepruar nuk pret më.”
