Kreu i Shtetit akuzoi qeverinë si fajtore për atë që ai e quajti shpopullim të Shqipërisë, pra largimin e madh të qytetareve drejt vendeve të BE-së.

Deklaratat ai i bëri në emisionin Quo Vadis në Vizion Plus.

 

Ajo që unë kam theksuar edhe më herët, është se në rastin e Shqipërisë, nuk kemi largim apo emigrim, siç ka dhe në vende të tjera të rajonit, por kemi shpopullim. Në rast se largohet 1 serb për 1000 mijë banorë nga Serbia, nga Shqipëria largohen 12 shqiptarë, në rast se largohet 1 boshnjak nga Bosnja, këtu largohen 18 shqiptarë, në rast se largohet 1 malazez nga Mali i Zi, këtu largohen 17, në rast se largohet një qytetar nga Kosova, këtu largohen 4, pra është i pajustifikueshëm ky trend.

 

Meta shtoi se qeveria nuk ka ofruar mundësi për punësimin e të rinjve.

 

 

Çfarë mundësish ju kemi ofruar në radhë të parë të rinjve këtu? Çfarë mundësish i kemi ofruar ne investitorëve të huaj këtu? Kush janë investimet e huaja dhe vendase, që janë shtuar në Shqipëri, përveç ndërtimit të kullave gjithandej.Sa vende pune kanë hapur këto, cilat janë eksportet që janë rritur?Pra,  shohim që kemi një bilanc shumë të trishtueshëm,  edhe u jepet shumë pak mundësi të rinjve për të gjetur veten e tyre.

Leave a Reply

Your email address will not be published. Required fields are marked *