Presidenti Ilir Meta bëri sot thirrje për më shumë dialog në çështjen e Teatrit Kombëtar. Sipas kreut të shtetit, qeveria duhet të dëgjojë sugjerimet e komunitetit të artistëve për godinën e vjetruar, duke e konsideruar të rëndësishëm këtë debat publik. Pak kohë më parë, Meta ka pritur në presidencë, një përfaqësi te artistëve për të kuptuar zgjidhjet që ofronin vetë aktorët e regjisorët për godinën e Teatrit Kombëtar dhe atë Eksperimental. Ndërkohe, beteja e artistëve vijoi edhe sot në Komisionin e Medias, ku sërish paraqitën pretendimet e tyre për ruajtjen e godinës, si vlerë të trashëgimisë kulturore e historike.
