Meta dhe Berisha aleatë jo vetëm kundër Ramës, të dy edhe kundër SPAK
Nga Pranvera Borakaj
Një vit më parë, Berisha dhe Meta u bënë bashkë duke propoganduar me të madhe, se vetëm ata të dy, padrinot e politikës shqiptare kishin mundësi të thyenin perandorinë mbi 10-vjeçare të Edi Ramës në Shqipëri!
Rezultati tregoi që nuk ja dolën, madje përtej çdo argumenti, morën rezultatin më të keq të mundshëm.
Nëse ishte fuqia e Ramës, manipulimi i rezultatit, përdorimi dhe vjedhja e votës, lodhja e njerëzve nga politika 30-vjeçare e Metës dhe Berishës, kjo është një analizë që duhet ta bëjnë protagonistët kryesorë.
Ajo që mund të themi është që pas atij momenti, ditët e mira për Berishën dhe Metën nuk po duken.
Lideri i demokratëve po e bën politikën nga dritarja e shtëpisë ku vuan arrestin, ndërsa Meta duket se i ka hapur luftë gati të gjithëve.
Pyetja që i lind kujtdo në këtë moment është “Përse tani?”
Edhe pse deklaron të kundërtën, a po i trembet Ilir Meta ndonjë arresti të mundshëm apo po përpiqet të mbrojë partinë nga arrestime të supozuara brenda Partisë së Lirisë?
A është reale beteja brenda mureve të asaj force politike apo po shitet si e tillë?
Nëse ka vërtet një konflik, përse ai duhet të shpërthente në këtë momente?
Çfarë do të arrijë Ilir Meta me sjelljen e tij herë si tarzan e herë si spiderman, herë si super sportist e herë ai politikan që nuk kursen askënd në deklarata!
A nuk është e çuditshme, që dy aleatët që u betuan të largonin Edi Ramën, po e gjejnë armikun brenda familjeve të tyre politike e jo vetëm?
Sa i leverdis një sjellje e tille opozitës, vetëm një vit para zgjedhjeve te ardhshme, ku Rama dhe pse me qindra skandale, shkon i qetë dhe i sigurt tashmë dhe para Metës, Berishës, Bashës, e kujtdo tjetër?
Nga ana tjetër “A po përpiqet drejtësia të përcaktojë klasën politike në Shqipëri, apo ky është realisht fundi i pandëshkueshmërisë.
Por për ta besuar këtë do duhet realisht të shikojmë që ajo pret pa mëshire majtas e djathtas.
Por derisa kjo ditë do të vijë, nëse do të vijë, nuk do habitemi nga prapaskenat që do luhen apo nga shpërthimet që do duken.
