Piloti 32-vjeçar Babis Anagnostopoulos, i cili vrau gruan dhe më pas inskenoi grabitjen, duket se është braktisur nga të gjithë familjarët e tij.
Vëllai i tij ka thyer heshtjen duke folur për vrasjen e Caroline Crouch. Në një intervistë për mediat greke ai mohon çdo lloj përfshirje në këtë ngjarje.
Ai tha se nuk e ka vizituar Babisin në burg dhe se nuk e ka parë që nga dita kur ai u arrestua.
“Kur mora vesh se vëllai im është vrasësi, isha në Alonissos, ditën kur vëllai im shkoi me helikopter dhe u arrestua. E mësova nga postimet në mediat sociale. Pozicioni im është i vështirë. Unë e njihja Caroline. Gjatë gjithë kësaj kohe, teksa ai është në burg, unë nuk e kam vizituar Babisin. Nuk e kam parë fare”, tha ai.
