Deputeti demokrat, Gazment Bardhi shprehet se vendimi i Gjykatës Kushtetuese për legjitimimin e marrëveshjes së emigrantëve me Italinë nuk ishte surprizë.
Sipas tij, Gjykata Kushtetuese humbi mundësinë për të bërë drejtësisë ndaj një çështjeje që shkel të drejtat e njeriut dhe cënon interesin kombëtar.
Lexo edhe :
Related Posts
“Asnjë surprizë nga “Vali Bizhgat në Gjykatën Kushtetuese”! Mohimi i transparencës dhe mbi të gjitha shmangia e mundësisë për një opinion këshillimor nga GJEDNJ janë tregues i qartë që GjK humbi që në nisje mundësinë për të bërë drejtësi në këtë çështje.
Marrëveshja me Italinë cenon sigurinë e interesin publik, si dhe shkel në mënyrë flagrante të drejtat e njëriut dhe konventat ndërkombëtare në këtë fushë, siç Komisioneri për të Drejtat e Njeriut në KiE dhe organizatat prestigjoze ndërkombëtare janë shprehur!”, shprehet Bardhi.
Gjykata Kushtetuese ka dhënë sot vendimin në lidhje me marrëveshjen me Italinë për emigrantët, duke votuar 5-4 në favor të kësaj marrëveshjeje, që parashikon qëndrimin e emigrantëve nga Afrika në Shqipëri për një periudhë kohore./vizionplus.tv/
