Dritan Kurti, gazetar Vizion Plus: “Reshjet e shiut ja kanë lënë vendin borës në Qarkun Dibër. Në lartësinë deri mbi 1000 metra mbi nivelin e detit pati reshje dëbore. Fshatrat e Dibrës si Lura, Kalaj e Dodës, Arras janë mbuluar nga bora, ndërsa rrugët që i lidhin me Peshkopinë janë të hapura. Bora arrin deri në 10 centimetra por pa krijuar probleme me qarkullimin e automjeteve”.
Në Bulqizë reshjet kanë prekur fshatrat e Tërnovës së Madhe e të Vogël si dhe disa fshatra të njësisë administrative Martanesh.
Në Mat, situatë problematike vijon të jenë rrugët rurale të cilat u dëmtuan nga reshjet e shiut që përfshinë vendin prej një jave.
HEC-et Ulëz e Shkopet kanë hapur portat për shkak të prurjeve të mëdha të lumit Mat si dhe rrjedhave të tjera.
Ndërkohë në malësitë e shkodrës në Koplik-Boge, Dedaj-Razem e Boge-Theth, reshjet kane pushuar, por temperaturat kanë rënie të ndjeshme
Aktualisht po punohet me kujdes në Qafë Thore për zgjerimin e rrugës, njëkohësisht duke monitoruat faqen malore për ndonjë ortek të mundshëm.
