Udhëheqësit e Grupit të shtatë vendeve më të industrializuara në botë janë mbledhur në Kanada këtë të hënë për një samit në qendër të të cilit pritet të jetë lufta.
Liderët do të diskutojnë kryesisht për konfliktin e ndezur mes Izraelit dhe Iranit dhe luftën mbi tre-vjeçare të Rusisë në Ukrainë.
Presidenti Ukrainas, Volodymyr Zelensky do të jetë gjithashtu i pranishëm, dhe gjatë qëndrimit të tij atje, pritet të takohet edhe me presidentin amerikan.
Donald Trump tha se ka mundësi për një marrëveshje për konfliktin në Lindjen e Mesme ndërsa përsëriti mbështetjen e palëkundur për Izraelin dhe i dërgoi një paralajmërim të qartë Iranit të mos prekë bazat amerikane./vizionplus.tv
