Kryeministri i Izraelit, Benjamin Netanyahu shprehet se e mirëpret marrëveshjen me Kosovën, si shteti i parë mysliman që hap një ambasadë në Jerusalem.
“Unë e mirëpres marrëveshjen me Kosovën për të qenë shteti i parë mysliman që hap një ambasadë në Jeruzalem. Serbia do të jetë vendi i parë që hap një ambasadë në Jerusalem, pas përparimit historik me Emiratet e Bashkuara Arabe”, tha Netanyahu në një video të postuar në “Twitter”.
Pas nënshkrimit të marrëveshjes në Shtëpinë e Bardhë mes Kosovës dhe Serbisë, Ministria e Jashtme e Izraelit, ka njoftuar edhe zyrtarisht për vendosjen e marrëdhënieve diplomatike me Kosovën, si dhe për hapjen e ambasadës në Jerusalem.
“Ne e shohim vendimin e Kosovës dhe Serbisë, që të vendosin ambasadat e tyre, si hap simbolik drejt promovimit të paqes në mes këtyre shteteve. Qyteti i Jerusalemit, kryeqyteti i përjetshëm i shtetit të Izraelit, do të përbëjë një urë paqeje për tërë botën. I bëj thirrje shteteve të tjera që të ndjekin këto hapa dhe të vendosin ambasadat e tyre në Jerusalem, kryeqytetin e Izraelit”, tha zëdhënësi i Ministrisë së Jashtme izraelite, Gabi Ashkenzi.
