Kosovë/ Vitia: Nga 20 gushti mbyllen klubet e natës, ndalohen dasmat dhe gëzimet e tjera familjare

Kosova shton kufizimet në kuadër të shtimit të rasteve me Covid gjatë ditëve të fundit.

Qeveria ka miratuar masat e reja që kanë për synim parandalimin e përhapjes së Covid-19, masa të cilat u bënë të ditura nga Ministri i Shëndetësisë, Arben Vitia. Ky I fundit saktësoi se nga data 20 gusht do të mbyllen klubet e natës dhe do të ndalohen gëzimet familjare, si dasma e fejesa.

“Nga data 20 gusht do të mbyllen klubet e natës, do të ndalohen ahengjet si fejesat, dasmat etj. Nga momenti i publikimit të këtij vendimi në faqen zyrtare do të shkurtohet orari i gastronomiosë”, tha Vitia në konferencë për medie.

Vitia shtoi se masat për ruajtjen e shëndetit publik janë të domosdoshme për të parandaluar përhapjen më të gjerë të virusit dhe të vdekjeve nga sëmundja.