Gazetar Web

Vizion Plus kërkon të zgjerojë ekipin e tij me një Gazetar Web i cili do të jetë përgjegjës për krijimin, përpunimin, verifikimin dhe publikimin e përmbajtjes informative në platformën Web të Vizion Plus, duke garantuar që informacioni të jetë i saktë, aktual, i qartë dhe i përshtatur për audiencën online.
Pozicioni kërkon ndjekje të vazhdueshme të aktualitetit, reagim të shpejtë ndaj zhvillimeve dhe aftësi për të identifikuar temat dhe këndvështrimet me interes për audiencën digjitale.

Përgjegjësitë Kryesore

• Ndjekja e vazhdueshme e aktualitetit dhe zhvillimeve kryesore në vend, rajon dhe botë.
• Identifikimi dhe propozimi i temave me interes për audiencën online.
• Mbledhja, verifikimi dhe përpunimi i informacionit nga burime të besueshme.
• Shkrimi, redaktimi dhe publikimi i lajmeve dhe materialeve informative në Web.
• Përgatitja e titujve të qartë, tërheqës dhe të përshtatur për audiencën digjitale, pa cenuar saktësinë e informacionit.
• Përshtatja e kronikave, intervistave, emisioneve dhe materialeve të tjera televizive të Vizion Plus për publikim në Web.
• Përditësimi i artikujve ekzistues në përputhje me zhvillimet e reja të një ngjarjeje.
• Përzgjedhja dhe përgatitja e fotove, videove dhe elementeve të tjera multimediale që shoqërojnë artikujt.
• Zbatimi i praktikave bazë të SEO-së gjatë përgatitjes dhe publikimit të përmbajtjes.
• Kontrolli i drejtshkrimit, emrave, shifrave, deklaratave, citimeve dhe burimeve përpara publikimit.
• Monitorimi i burimeve informative, agjencive të lajmeve, institucioneve, mediave dhe rrjeteve sociale për zhvillime të reja.
• Bashkëpunimi me Redaktorin Përgjegjës Web për përcaktimin e prioriteteve editoriale.
• Bashkëpunimi me ekipet Social Media dhe Video për shpërndarjen dhe përshtatjen e materialeve.
• Respektimi i standardeve profesionale dhe etike të gazetarisë dhe linjës editoriale të Vizion Plus.
• Sigurimi i publikimit të shpejtë dhe përditësimit në kohë të informacionit, veçanërisht në rastet e lajmeve të fundit (Breaking News).

Kërkesat e Pozicionit

• Arsim i lartë në Gazetari, Komunikim, Gjuhë-Letërsi, Shkenca Sociale ose fusha të ngjashme.
• Eksperienca e mëparshme në gazetari, media online ose portale informative përbën avantazh.
• Aftësi shumë të mira në shkrim, redaktim dhe drejtshkrimin e gjuhës shqipe.
• Aftësi për të përpunuar dhe publikuar informacionin me shpejtësi, pa cenuar saktësinë.
• Njohuri mbi funksionimin e mediave online dhe rrjeteve sociale.
• Aftësi për të punuar me burime të ndryshme informacioni dhe për të verifikuar besueshmërinë e tyre.
• Njohuri bazë të SEO-së dhe optimizimit të përmbajtjes për Web.
• Eksperienca me WordPress ose platforma të tjera CMS përbën avantazh.
• Njohja e gjuhës angleze dhe aftësia për të punuar me burime ndërkombëtare përbën avantazh.

Njohuri Teknike

• Njohuri praktike në përdorimin e WordPress ose platformave të ngjashme CMS për publikimin dhe përditësimin e artikujve.
• Njohuri bazë mbi SEO-n editoriale dhe optimizimin e artikujve për motorët e kërkimit.
• Njohuri në Adobe Photoshop për përpunimin, përshtatjen dhe optimizimin bazë të imazheve për Web.
• Njohuri në Canva për krijimin dhe përshtatjen e materialeve të thjeshta grafike.
• Njohuri bazë në Adobe Premiere Pro për prerjen, përpunimin dhe eksportimin e materialeve të thjeshta video.
• Njohuri në CapCut për përgatitjen dhe përshtatjen e materialeve video për përdorim online.
• Aftësi për të punuar me foto, video, embed, hyperlink dhe elemente të tjera multimediale brenda artikujve.
• Njohuri mbi formatet dhe dimensionet kryesore të imazheve dhe videove për platformat digjitale.
• Njohuri mbi platformat kryesore të rrjeteve sociale dhe mënyrën e integrimit të përmbajtjes së tyre në Web.

Kompetencat

• Aftësi shumë të mira shkrimi dhe komunikimi.
• Kuriozitet gazetaresk dhe interes i vazhdueshëm për aktualitetin.
• Aftësi për të dalluar rëndësinë e një lajmi dhe këndin më interesant të tij.
• Aftësi për të identifikuar tema me potencial të lartë interesi për audiencën online.
• Vëmendje e lartë ndaj saktësisë dhe verifikimit të informacionit.
• Gjykim editorial dhe aftësi për të përcaktuar prioritetet.
• Shpejtësi dhe aftësi për të punuar nën presion.
• Menaxhim i mirë i kohës dhe prioriteteve.
• Aftësi për të punuar me afate të shkurtra dhe në një mjedis dinamik mediatik.
• Aftësi për të punuar në mënyrë të pavarur dhe në bashkëpunim me ekipin.
• Përgjegjshmëri, integritet dhe etikë profesionale.

Të gjithë kandidatët e interesuar janë të ftuar të aplikojnë duke dërguar CV-në e tyre të plotë, së bashku me informacion të detajuar mbi arsimimin, kualifikimet dhe eksperiencën profesionale, në adresën e e-mailit: hr @vizionplus.tv ose në numrin +355 69 808 0140

Duke dërguar CV-në dhe të dhënat personale në adresën e mësipërme, kandidati konfirmon pëlqimin për përpunimin e të dhënave personale të paraqitura nga Vizion Plus TV, në përputhje me Ligji Nr. 124/2024, “Për mbrojtjen e të dhënave personale”, i ndryshuar, si dhe me legjislacionin tjetër në fuqi.