Muzeu i Holokaustit në Argjentinë ka marrë kujdestarinë e një numri të madh objektesh naziste të kapura në një bastisje shtëpie në kryeqytetin, Buenos Aires, dy vjet më parë.
Një bust i Adolf Hitlerit është ndër 70 artikujt që hetuesit kishin gjetur gjatë bastisjes.
Një tjetër ishte një pajisje për matjen e kokës, një relike e pseudoshkencës, që kishte si synim si synim gjoja identifikimin e racës së pastër njerëzore.
Artikujt u gjetën të fshehur pas një muri të rremë në shtëpinë e një koleksionisti në vitin 2017. Ai tha aso kohe se artikujt ishin kopje, por kjo gjë u hodh poshtë nga ekspertët, të cilët thonë se ato janë autentike.
Edhe pse në Argjentinë është e ligjshme që të zotërosh objekte naziste, për aq kohë sa ato nuk përdoren për të nxitur urrejtje, autoritetet e kanë akuzuar pronarin se merrej me kontrabandë.
Historianët besojnë se rreth 11 milion njerëz u vranë në të gjithë Europën gjatë Holokausit, gjashtë prej të cilëve ishin hebrenjë.
Pasi regjimi ra në 1945, disa nga zyrtarët më të lartë nazistë u larguan për në Argjentinë përfshirë të ashtuquajturin “Engjëlli i Vdekjes” Josef Mengele dhe Adolf Eichmann.
Kjo gjë ka bërë që shumë objekte antike të kësaj periudhe të mbërrijnë në Argjentinë dhe të tregëtohen në mënyrë kontrabandë.
Ndërkohë sendet e antike të gjetura gjatë bastisjes do të shtohen në ekspozitat e muzeut të Holokausit në Buenos Aires.
Objektet, që sipas drejtorit Marcelo Mindlin, inkurajuan “urrejtjen, vdekjen dhe shkatërrimin”, do të shfaqen në shenjë kujtese për brezin e ri në mënyrë që tragjeditë si Holokausti të mos përsëriten më.
