Më shumë se 30 njerëz kanë humbur jetën si pasojë e zjarreve që kanë përfshirë shtetet e Bregut Perëndimor të SHBA, ndërsa dhjetëra të tjerë raportohen të zhdukur. Zyrtarët paralajmërojnë se numri i viktimave mund të jetë shumë më i lartë.
Zjarret po vijojnë të shkrumbojnë mijëra hektarë sipërfaqe toke në Oregon, Californi dhe Washington, e mijëra shtëpi e biznese janë shkatërruar.
Dhjetëra mijëra njerëz janë detyruar të largohen nga shtëpitë e tyre.
Situata paraqitet kritike në Oregon ku zjarrfikësit po vijojnë luftën për shuarjen e 16 vatrave të mëdha aktive, ndërsa në Washington, raportohen 14 vatra aktive.
Presidenti amerikan Donald Trump do të vizitojë Kaliforninë të hënën për t’u informuar më në detaje mbi situatën.
