Arben Vitia ka dhënë dorëheqje nga pozita e ministrit të Shëndetësisë së Kosovës. Ai e ka njoftuar vendimin përmes një konference për mediat, duke treguar edhe arsyet.
“Më lejoni që t’ju njoftojë për një vendim që e kam marrë në bashkërendime me kryeministrin Kurti dhe me LVV-në. Unë sot po e përmbyll angazhimin tim në këtë detyrë me të cilën më ka ngarkuar kryeministri Kurti që do t’i jem mirënjohës jo vetëm për besimin por edhe për mbështetjen. Unë ja transformojw përgjegjësinë stafit të ministrisë, zëvendësministres Dafina Gexha me bindjen e plotë se puna e mirë do të vazhdojë .Nga tani e tutje do të jem pjesë e një ekipi tjetër që ka në fokus kryeqytetin tonë. Kjo sepse ne jemi në një moment kritik, ku nga ne pritet që të merren vendime të guximshme të transformimit të qyteteve tona në qytete të jetueshme.”
