Gledjan Llatja do të jetë prefekti i ri i Qarkut të Elbasanit.
Llatja u prezantua këtë të mërkurë nga ministri i Brendshëm, Sandër Lleshaj, I cili shoqërohej dhe nga kreu i grupit parlametar te PS, Taulant Balla.
Në fjalën e tij ministri Lleshaj shprehu besimin se Gledian Llatja do të sjellë një frymë të re në Prefekturën e Elbasanit.
Ndërsa kreu i grupit parlamentar i PS, Taulant Balla, i cili është dhe deputet në këtë Qark, deklaroi se prefekti Llatja do të ketë të gjithë mbështetjen e qeverisë për të bërë më të mirën në detyrën e re.
Gledian Llatja përpara se të merrte detyrën e prefektit ka mbajtur pozicionin e shefit të kabinetit në Ministrinë e Infrastrukturës dhe Energjisë.
