Durrësi po përballet me një flusk të shtuar turistësh, qoftë vendas, por edhe të huaj, të cilët kanë zgjedhur bregdetin Adriatik për të kaluar pushimet.
Institucionet flasin për një rritje krahasuar me vitin e kaluar për ata persona që zgjedhin Durrësit, ndërkohë që Drejtoria Vendore Kufitare është në gadishmëri të plotë për të përballuar fluksin
“Për këtë 6-mujor kemi 320 mijë shtetas që kanë hyrë dhe kanë dalë në pikën e kalimit kufitar në portin e Durrësit dhe kemi një fluks, pasi nga këta shtetat, 20 mijë kanë ardhur për qëllime turistike. Duke e krahasur me një vit më përpara kemi një rritje prej 5% të këtyre shtetasve që janë për qëllime turistike”, tha Astrit Sallaku, Shef i sektori të kufirit, Durrës.
Drejtoria Kufitare në Durrës ka në monitorim plazhet nga Rana e Hedhun deri në Divjakë, një vijë e gjatë bregdetare ku shërbejnë shume operatorë privatë turistik. Në gadishmëri është dhe njësia policore detare, e cila monitoron plazhet për minimizimin e incidenteve dhe për ti ardhur në ndihmë pushuesve.
“Duke përfshirë që nga Rana e Hedhur dhe deri në Divjakë kemi një shtim të operatorëve turistike të cilët operojnë në vijën bregdetare. Në këtë kuadër janë angazhuar rreth 250 efektivë të policisë së shtetit, efektivë të drejtorisë vendore te kufirit, njëkohësisht të shtuar edhe me 20 efektivë të tjerë të ardhur nga drejtoritë vendore për një mbarëvajtje sa më të mirë të sezonit turistik”, tha ai.
Megjithatë risi këtë vit ka qënë dhe lehtësimi i procedurave për mjetet lundruese që vijnë në Shqipëri, ku policia do ti regjistrojë ato në vendin e ankorimit, pa qënë nevoja që turistët të humbasin kohë në pikat kufitare.
“Është vendsour në funskion njësitë teknologjike të cilat ndihmojnë punën e policisë kufitare, të cilët mbajnë në vend ku është mjetir turistik, për të bërë regjistrimin e mjetit lundrues, regjistrimin e udhëtarëve pa patur nevojë që ata të vijnë dhe të paraqiten në pikën e kalimit kufitar gjë që atyre u lehtëson atyre procedurat për mbarëvajtjen e sezonit turistik, qofshin ata operatorë turistikë, apo individë”, shtoi më tej.
Deri tani në plazhet e Durrësit nuk janë shënuar incidente me jetski, për shkak të kontrolleve të shumta. Vetëm 2 gjoba janë vendosur ndaj këtyre mjeteve lundruese për shkak se janë operuar jashtë zonës së përcaktuar nga Bashkitë përkatëse.
/vizionplus.tv
