Apeli i Posaçëm ka lënë në fuqi masën e sigurisë “arrest me burg” për ish-gjyqtaren Pajtime Fetahu.
Fetahu kishte kërkuar zbutjen e masës së sigurisë, por Apeli i GJKKO vendosi që ajo të vijojë të qëndrojë në qeli.
Pajtime Fetahu u arrestua me urdhër të SPAK, pasi emri i saj doli në dy dosje të rëndësishme.
Ajo ishte përfshirë në organizatën kriminale të Çopjave, si dhe në grupin e Suel Çelës në Elbasan.
Fetahu akuzohet se ka favorizuar bandat me vendimet e saj, duke konsumuar veprën penale të korrupsionit.
Për dosjen e parë ndaj saj u caktua masa e sigurisë ‘arrest në shtëpi’, ndërsa për dosjen e dytë ‘arrest në burg’.
Fetahu mbahet në qelinë e paraburgimit që prej muajit nëntor të vitit të kaluar. Përfshirja e saj me krimin e organizuar u zbulua pas zbërthimit të aplikacioneve të koduara SKY ECC./vizionplus.tv
