Milani është detyruar të riktheje nga Vilareali pas vetëm 6 muajsh huazim Matteo Gabbia-n, për shkak të dëmtimeve të shumta që ka në repartin e prapavijës.
Aktualisht Pioli do të duhet ta nisë sezonin e ri pa Tomorin, Thiaw, Kalulu, Caldara dhe Pellegrino.
Mbrojtësi i lindur në vitin 1999 u transferua në Villarreal në verë, por aventura e tij me Submarino Amarillo përfundoi pas vetëm 6 muajsh.
Mbrojtësi Gabbia pritet të jetë në dispozicion të Stefano Piolit përballë Empolit në fundjavë, ku kuqezinjtë pirtet të starojnë sfidën e parë të fazës së dytë.
“AC Milan njofton se ka ndërprerë para kohe marrëveshjen për transferimin e përkohshëm të Matteo Gabbia te Villarreal CF. Lojtari do të ribashkohet me ekipin e parë nga sot; Mirë se erdhe Matteo” – Shkruan klubi.
