Humor shkodran për korçarët/ Nata e katërt e “Koko Fest” ngjit në skenë komedinë “Zona e pritjes”
Nata e katërt e Koko Fest iu kushtua Shkodrës. Në skenën e Hanit të Pazarit publiku korçar duartrokiti humorin e artistëve shkodranë, të cilët ngjitën në skenë komedinë e zezë “Zona e Pritjes”, me regji të Fatos Berishës.
Për kastin realizuaes, vepra është aktuale pasi godet problematikat në shëndetësi, dhe të gjitha ngërëet që njerzëit hasin në përditshmëri.
“Nuk është e lehtë sigurisht, por jeta duhet të vazhdojë. Të gjitha aktivitetet po fillojnë ngadalë të rikthehen të ecin para. Teatri nuk ndalet këtu.”
Reklamë
Për aktorët, edhe shfaqjet e ngjitura në skenat jashtë teatrove janë një gjetje interesante, por ata kanë një kërkesë: rikthimin e shfaqjeve teatrore.
“Deri tani po mundohemi kështu me mjete rrethanore siç është rasti i festivalit “Koko Fest” dhe për mendimin tim, ka bërë jashtëzakonisht mirë që nuk e ka ndërprerë këtë vit, pavarësisht situatës.”
Pas natës së Shkodrës, në këtë festival të veçantë do ta marrë stafetën qyeti i Durrësit, që pritet të sjellë komedinë e njohur “Shirli Valentina” në parkun Rinia.
