Në ditën ndërkombëtare të kujtimit të viktimave të holokaustit, është organizuar në Universitetin “Fan Noli” një forum me temë “Hebrenjtë në Republikën e Vlerave”, bazuar në librin e Profesor Doktor Shaban Sinani me titull “Shqiptarët dhe Hebrenjtë, prania dhe shpëtimi”, i cili ishte referati kryesor.
Sipas Dr. Sinanit, Shqipëria në listën përfundimtare të vitit 39 kishte 200 hebrenj të rregjistruar por sipas tij, në 1941 numri i hebrenjve në shqipëri ishte akoma më i madh.
Më tej, Dr. Sinani theksoi dy prej marrëveshjeve më të rëndësishme mes qeverive shqiptare të kohës dhe hebrenjve, marrëveshje për të cilat është folur pak deri më sot. Në fund të këtij aktiviteti të mbajtur me rastin e ditës ndërkombëtare të kujtimit të viktimave të holokaustit Universiteti i Korçës, ka vlerësuar me certifikatë mirënjohjeje profesor Sinanin.
