Protestat në Itali, 9 të arrestuar dhe 371 të shoqëruar në komisariat, mes tyre 110 të mitur

Në tetë qytete të Italisë janë zhvilluar protesta këtë të shtunë.

Sipas agjencisë së lajmeve AFP, nëntë persona janë arrestuar dhe 371 të tjerë janë shoqëruar në komisariat.

Shifrat u bënë të ditura nga Policia italiane në një deklaratë zyrtare.

Mes personave të shoqëruar në komisariat, 110 ishin të mitur, thuhet në deklaratë.

Autoritetet italiane nuk kanë dhënë detaje të tjera mbi identitetin e personave të arrestuar dhe rrethanat e ndalimit të tyre.