Në përfundim të vizitës së tij në Shqipëri, Knut Fleckenstein, raportuesi për Shqipërinë në Parlamentin Europian, deklaroi se për qeverinë nuk do të ketë asnjë kusht shtesë, lidhur me datën e hapjes se negociatave. Mesazhin e tij Fleckenstein e ka bërë publik përmes një statusi në Facebook:
Jo kushte shtesë! Ky ishte mesazhi që përcolla kur vizitova Shqipërinë si raportues për Parlamentin Evropian. Pjesë e bisedimeve që zhvillova me presidentin, kreun e Parlamentit, kryetarët e grupeve parlamentare, ministrin e Brendshëm e të Drejtësisë si dhe ambasadorë të vendeve anëtarë të BE-së ishte edhe situata e Shqipërisë pas zgjedhjeve.
Në mesazhin e tij raportuesi Shqipërinë në Parlamentin Europian kërkon që të ecet me zbatimin e reformave që janë nisur, veçanërisht ajo në drejtësi.
Nëse do të vazhdojë implementimi i reformave, atëherë negociatat e anëtarësimit duhet të hapen në gjysmën e parë të 2018-n, Populli i Shqipërisë shpreson shumë që kjo të realizohet dhe e meriton një gjë të tillë. Me nisjen e negociatave fillon dhe një proces disa vjeçar afrimi. Zgjatja e tyre varet nga zbatimi një reformave, por njerëzit do ta shohin se ne e duam progresin në BE. Është rrugë e vështirë, megjithatë do të japim ndihmën tonë.
Qëndrimi i Fleckenstein vjen pas fjalimit të kryeministrit Edi Rama në OKB, ku ai u shpreh se pret sa më parë hapjen e negociatave të anëtarësimit me BE-në.