Rrugëtimi i spektaklit “Albania’s Got Talent” vijon, ku një tjetër puntatë surpirzuese pritet sonte në ekranin e Vizion Plus.
Të tjerë konkurrentë do të na zbulojnë talentet e tyre në këtë mbrëmje të gjashtë të audicioneve, përmes performancave mbresëlënëse që do befasojnë jo vetëm jurinë por dhe publikun.
Do të jenë sërish anëtarët e jurisë Agron Llakaj, Adelina Ismajli, Elsa Lila dhe Kastro Zizo që do të duhet të përzgjedhin mes më të talentuarve. Ndërsa kanë mbetur edhe dy javë deri në netët gjysmë finale, zgjedhjet bëhen më të vështira, por dhe më emocionuese.
Audicionet po ngushtojnë rrethin, të tjerë konkurrentë do të duan të marrin “Golden Buzzer-in” e mbrëmjes.
A do të mundet ndonjë prej tyre të bëjë Agron Llakajn të shtyp butonin e artë? A do të ketë sonte një tjetër finalist që do t’i bashkohet Diego Zelkës, Nikolas Bushit dhe Dashnor Bushit?
Nata e gjashtë e Albania’s Got Talent do të dëshmojë edhe një herë se talenti shqiptar nuk njeh moshë apo kufij. Sonte do të shihni zëra që premtojnë, artistë që provojnë, dhe njerëz që guxojnë të ëndërrojnë fort.
Ndaj mos e humbisni prezantimin e talenteve e radhës, por dhe shumë surpriza, sot në orën 21.00 vetëm në Vizion Plus.
