Rexhep Tajip Erdogan deklaroi se siguria e Evropës shqetëson të gjithë Evropën dhe jo vetëm anëtarët e BE-së dhe përsëriti se planet për sigurinë evropiane duhet të përfshijnë Turqinë.
Ai kërkoi që industritë turke të mbrojtjes të mos përjashtohen nga programet e prokurimit të Bashkimit Evropian.
Presidenti turk mori pjesë sot në një video-konferencë të liderëve të vendeve partnere joanëtare të Bashkimit Evropian.
Në video-konferencë përveç Tajip Erdogan morën pjesë krerët e institucioneve të BE-së dhe krerët e Mbretërisë së Bashkuar, Kanadasë, Norvegjisë dhe Islandës.
Duke theksuar se është në interes të përbashkët që të planifikohen të gjitha hapat që lidhen me sigurinë evropiane bashkë me Turqinë, presidenti Erdogan tha: “Të mos harrojmë se siguria evropiane nuk është çështje e anëtarëve të Bashkimit, por e të gjithë aleatëve evropianë. Ne dëshirojmë ta shohim takimin e sotëm si një manifestim të kësaj qasjeje pragmatike, siç ishte Samiti i organizuar nga Mbretëria e Bashkuar më 2 mars. Ai vuri në dukje, megjithatë, se “mbrojtja maksimale e mundshme” e marrëdhënieve transatlantike është padyshim e rëndësishme.”
Cumhurbaşkanımız Recep Tayyip Erdoğan:
“Ukrayna’nın yeniden inşası ve ayağa kaldırılmasını amaçlayan Avrupa Barış Aracı gibi mekanizmalara dahil olmamız mühimdir.” pic.twitter.com/36lmg0vadS
— ErdemIiler (@Erdemlilerr) March 7, 2025
Në të njëjtën kohë, ai shtoi se “është e rëndësishme për ne që të marrim pjesë në mekanizma, siç është Faciliteti Evropian i Paqes, të cilët synojnë të rindërtojnë dhe mbështesin Ukrainën”.
Ai argumentoi gjithashtu se nuk ka asnjë shpjegim për përjashtimin e Turqisë nga programet e prokurimit dhe rindërtimit të mbrojtjes të Bashkimit Evropian.
“Industria jonë e mbrojtjes është e gatshme të kontribuojë në sektorin e mbrojtjes. Programi evropian i industrisë së mbrojtjes duhet të jetë i hapur për të gjithë aleatët evropianë,” tha presidenti turk.
Ai më tej tha se roli kritik i Turqisë në sigurinë dhe mbrojtjen ekonomike evropiane është dëshmuar dhe vendi e mban objektivin për anëtarësim të plotë në BE, duke shpresuar se Bashkimi do t’i kthehet negociatave të anëtarësimit me Turqinë.
“Ne e ruajmë fuqishëm objektivin tonë për integrim të plotë. Ne presim që BE-ja të miratojë një strategji dhe qëndrim vizionar dhe të rigjallërojë negociatat tona të pranimit”, tha ndër të tjera Recep Tayyip Erdogan, duke argumentuar se “është në interes të të dyja palëve që të veprojnë me një perspektivë afatgjatë strategjike në marrëdhëniet Turqi-BE”.
Së fundi, presidenti turk përsëriti propozimin e tij që vendi i tij të presë negociatat e mundshme të paqes për t’i dhënë fund luftës në Ukrainë./vizionplus.tv
