Kanë rinisur sërish sot kërkimet për gjetjen e trupit të Tefik Xhikës, 47 vjeçarit i cili dyshohet se është mbytur në lumin Drin.
Banorët e zonës, familjarët dhe policia janë në kërkim të 47 vjeçarit. Ndërkohë prej dy ditësh është kërkuar ndihma nga polumbarët me mjete të specializuara, gomone me motor.
Xhika e kishte lënë makinën tek lokali i fshatit Fushë-Alie dhe kishte shkuar për të peshkuar në lumin Drin. Në buzë të lumit janë gjetur një palë atlete që dyshohet se 47-vjeçari i ka hequr para se të nisë peshkimin.
Dyshimet janë që Tefik Xhika të ketë rënë në ujërat e lumit Drin i Zi ndërsa peshkonte në breg.
